Lange niet zien!

‘Hee, moi!’

‘Hee, lange niet zien, hoest mit oe?’

‘Goed, en mit oe?’

‘Ok goed heur. Mit oen mannegies alles goed?’

‘Ze bint mit beste repporten aover egaone. Wat is ‘t kold vandage, he?’

‘Ja man. Het weer is niks. Weinig an de vekaansie had, allent mar regen.’

‘Wij bint hen Kroatië ewest, waor altied zunne zul wezen: hebt wij weinig van emarkt!’

‘In de tune ok weinig an de zunne ehad.’

‘Mar ik mut rap wieder, de kiender koomt zo uut skoele, goed gaon!’

As Fennegien de hoek umme is, bedeink ik dat zij der zo meu uutzag, zo opjaagd ok, ondaanks heur opsmuk en kestanjebroen evarfde haor.

En dat míen mombakkes gien barsten hef.