Ik bin a veartig joar boerin en de leste joar'n bang maakt vuur stikstof en de wolf, mear noe is d'r ne knut van 2 millimeter den oons vee kraank, zeulfs dood maakt. Het leed dat blauwtong het.
Gen vekaansie of komkommertied, op 'n boer is't zoorg'n daj de kraanke beeste in de been'n hoalt. En meest tieds koomp de koo der wier duur.
Mear mangs zeej 'n knoestig kleed bie oons an de stroat ligg'n, dan is de koo doodgoan. Roza 37 ('t was zunne vromme koo) lig onne dat kleed um ophaald te wörd'n duur de kedaverwaag'n. 
Ik hoal van 'n krönnenzommer, mear dit joar kiek ik oet noar de earste nachtvost den de knutt'n koald maakt.