De buurwichter en mien breur speulden vrogger in hetzölfde korfbalteam. Oeze moeders volgden bij thoeswedstrieden altied scholder an scholder de verrichtings op het veld.
Op een gegeven moment nam breurlief een strafworp. De bal leek rechtstreeks de korf in te gaon, maor twiefelde en bleef cirkeln opde bovenraand.
Mien moeder kun het niet anzien. Tot grote lol van de umstanders perbeerde zij de bal de goeie kaant op te dirigeren. Hoe zij dat dee? Ze gaf oeze buurvrouw een paor ferme klappen midden op heur heufd. En ja heur, doelpunt!
Opluchting bij moeder, schrik bij de buurvrouw en reden tot ‘n lachsalvo bij de umstanders, zölfs bij de supporters van de tegenpartij.