Ut probleem waas, d’r zien gen teikeninge, gen fotoos van de originele boerderie.
Elk veurstel van de veurgevel woort aafgeschoate. Veur de monumente kómmissie gold: bewiès wie ut vruùger waas en anders bliève die stalremkes gewoeën zitte.
Op zekeren daag beej de boerderie, kump unne man met de fiets aan de hand nao mich toe: ‘Wach, ik heb meschiens wat veur dich.’
Oèt zien jeske haolt hae ’n ingelièste foto. ‘Heej, kièk maar ofse d’r iets aan hebs.’
Poehh, ik zeen den originele veurgevel met twië poorte en twië statige rame, wao noow die veer stalremkes zitte!                                                                                                            ‘Meugse halde, hooije’, hoort ik um nog zegge en weg waasse. 
Ik bin den onbekinde ieuwig dankbaar.